0
>>> جـ ـا هـ ـيـ ـنـ ـيـ ـا ت <<<
Posted by SAD clown
on
6:44 م
عمى صلاح جاهين ده استاذ بجد
وبشكر صديقى رحــال !! انه عرفنى عليه
الحقيقه انا دلوقتى نفسى اتكلم ... بس كـ العاده مفيش كلام
خلينا بقى فى شويه رباعيات لـ عمى صلاح جاهين
~~~~
سهير ليالى ياما لفيت وطفت
وفـ ليله راجع فى الظلام قمت شوفت
الخوف .. كـ أنه كلب سد الطريق
وكنت عاوز اقتله .. بس خفت
وعجبى !!
ياحزين يا قمقم تحت بحر الضياع
حزين انا زيك وايه مستطاع
الحزن مبقالهوش جلال ياجدع
الحزن زى البرد .. زى الصداع
وعجبى!!
كيف شفت قلبى والنبى يا طبيب
مات وهمد ولا سامع له دبيب
قالى لقيته مختنق بالدموع
ومالهوش دواء غير لمسه من ايد حبيب
وعجبى!!
اخيراً
فتحت شباكى لشمس الصباح
مدخلش منه غير عويل الرياح
وفتحت قلبى علشان ابوح بالألم
مخرجش منه غير محبه وسماح
عجبى!!
~~~~
متهألى كده انى كنت محتاج اقول الرباعيات دول بس
عموما الحمد لله على كل حال
SAD clown
|
